Атырау облысының Махамбет ауданында ер адам Жайық өзеніне батып кетті, деп хабарлайды Egemen.kz.
«Атырау облысының Төтенше жағдайлар департаментінің өкілдері 8 тамыз күні сағат 17:42-де Махамбет ауданына қарасты Талдыкөл ауылынан 5 км жерде Жайық өзенінде 1977 жылы туған ер адамның мәйітін іздеуге шықты. Ол сағат 16:00 кезінде арнайы белгіленбеген жерде суға шомылып жүріп, өзенге батып кеткен. Сағат 18:00-де ер адамның мәйіті табылып, полицияға жеткізілді», деп хабарлады Атырау облыстық Төтенше жағдайлар департаментінің баспасөз қызметі.
Атырау облыстық Төтенше жағдайлар департаменті өңір тұрғындарын суға шомылу кезінде қауіпсіздік ережелерін қатаң сақтауға және арнайы белгіленбеген жерлерге суға түспеуге шақырады.