Қазақстандық теннисші Юлия Путинцева Торонто WTA-1000 турнирінің үшінші айналымына жолдама алды, деп хабарлайды Egemen.kz.
Юлия Путинцева екінші айналымда әлемнің 3-ші ракеткасы, испаниялық Паула Бадосамен шеберлік байқасты.
Бірінші партияда қазақстандық теннисші 7:5 есебімен басымдылық көрсетті. Екінші сетте де қазақстандық теннисші сәтті өнер көрсетті.
1 сағат 27 минутқа созылған кездесуде Путинцева 2 эйс жасап, 13 брейк-пойнттың екеуін пайдалана білді.
Енді Юлия Путинцева ширек финалға шығу үшін әлемнің 37-ші ракеткасы, америкалық Элисон Рискемен таласады.