Қаржы министрінің бұйрығымен Данияр Еренғалиұлы Жаналинов Мемлекеттік кірістер комитетінің төрағасы қызметіне тағайындалды, деп хабарлайды Egemen.kz.
«Қаржы министрінің бұйрығымен Данияр Еренғалиұлы Жаналинов Қаржы вице-министрі қызметінен босатылып, Қаржы министрлігі Мемлекеттік кірістер комитетінің төрағасы болып тағайындалды», делінген хабарламада.
Данияр Жаналинов 1975 жылы Алматы облысында дүниеге келген. Қазақ көлік және коммуникация академиясын бітірген.
Мамандығы - инженер-экономист.
Еңбек жолын 2000 жылы Талдықорған қаласы бойынша Салық комитетінің заңды тұлғалар салық аудиті секторының салық инспекторы қызметінен бастаған.
2002-2008 жж. Алматы облысы бойынша Салық комитетінде түрлі қызметтер атқарған.
2008-2010 жж. - Алматы облысы бойынша Салық департаменті бастығының орынбасары.
2010-2014 жж. - Қаржы министрлігі Салық комитетінің құрылымында басшылық қызметте болған.
2014-2018 жж. - Қаржы министрлігі Мемлекеттік кірістер комитетінің Солтүстік Қазақстан облысы бойынша Мемлекеттік кірістер департаментінің басшысы.