Абай облыстық Қаржы басқармасының басшысы лауазымына конкурстық рәсімдердің нәтижесі бойынша Әділет Қожанбаев тағайындалды, деп хабарлайды Egemen.kz.
Әділет Нұрсағатұлы 1980 жылы бұрынғы Семей облысының Көкпекті ауданында дүниеге келген.
Еңбек жолын 2001 жылы «БТА Ипотека» АҚ кеңсесінің маманы болып бастаған. Көп жылдар бойы қаржы саласында жұмыс істеді.
2014-2016 жылдар аралығында «Қазақстанның тұрғын үй құрылыс жинақ банкі» АҚ Операциялық департаментінің директоры лауазымын атқарған.
2016-2017 жылдары аталған департаментте басқарушы директор болып еңбек етті.
2017-2021 жылдары аралығында «Қазақстанның тұрғын үй құрылыс жинақ банкі» АҚ Басқармасы төрағасының орынбасары, Басқарма мүшесі болған.
2021-2022 жылдары «Қазақтелеком» АҚ Алматы филиалы Сервистік фабриканың Бас директоры болып жұмыс істеген.