Нигерия ауруларды бақылау және алдын алу орталығының (NCDC) мәліметі бойынша елде қаңтар айының бері тырысқақтан қайтыс болғандар саны 91-ге жетті, деп хабарлайды Egemen.kz Анадолы агенттігіне сілтеме жасап.
Осы уақыт ішінде індет Абуджа қаласында және Африка елінің 31 штатына тарап үлгерген. Бұл аймақтарда тырысқақ инфекциясының 3 610 жағдайы анықталған.
Айта кетейік, тырысқақ «Вибрион» бактериясы арқылы жұғады. Ол адам ағзасына тамақ және су арқылы беріледі және ауыр диарея тудырады. Емделмеген жағдайда соңы өлімге әкелуі мүмкін.