Ғалымдар оның қандай вирус екенін анықтауға тырысып жатыр. Белгісіз вирус қазірдің өзінде қызанақ тұмауы деген бейресми атауға ие, деп хабарлайды Egemen.kz РБК-Украина-ға сілтеме жасап.
Мұндай атау науқастың денесінде пайда болатын қызыл көпіршіктерге байланысты берілсе керек. Вирус өте жұқпалы және тығыз қарым-қатынас кезінде екінші адамға оңай жұғады. Мысалы, әртүрлі заттарды ұстаған соң қолыңызды аузыңызға, бетіңізге апарған жағдайда белгісіз вирусты оп-оңай жұқтырып аласыз.
«Бұл - сирек кездесетін эндемиялық инфекция және адам өмір үшін аса қауіпті емес. Дегенмен COVID-19 пандемиясы кезеңінде мұндай індетті жұқтырып алудан сақтанған жөн», деп жазылған хабарламада.
Жаңа вирус жаңбырлы маусымда Үндістанда жиі кездесетін және шыбын-шіркей тасымалдайтын коронавирус, чикунгунья және безгекке өте ұқсас.