Ынтымақтастық жайын арқау еткен кездесу

Қазақстан Республикасының Сыртқы істер министрі Ерлан Ыдырысов АҚШ Мемлекеттік хатшысының бірінші орынбасары Уильям Бёрнспен кездесу өткізді, деп хабарлады ҚР СІМ-інің баспасөз қызметі. Кездесу барысында Қа­зақстан мен АҚШ арасындағы саяси және сауда-экономикалық ынтымақтастықтың жай-күйі мен болашағы, сондай-ақ, нау­рыз айында Гаага қаласында өткен Ядролық қауіпсіздік саммиті шеңберіндегі Қазақстан Президенті Н.Назарбаев пен АҚШ Президенті Б.Обаманың уағдаластықтарын жүзеге асыру мәселелері талқыланды. Тараптар жаһандық қау­іп­сіздік, әсіресе, жаппай қы­рып-жою қаруын таратпау саласындағы екі елдің ынты­мақтастығын зор қанағат­танғандықпен атап өтті. Аме­ри­калық дипломат Қазақстанның аталған салаға қосқан үлесі мен бастамалары үшін риза­шы­лық білдірді. Осыған орай, 6 мамыр­да Нью-Йоркте «ядро­лық бестік» елдерінің Орталық Азиядағы ядролық қарудан азат аймақтың (ОАЯҚАА) қа­ты­сушы елдеріне кепілдіктер берілетін хаттамаға қол қою­дың маңызы ерекше атап өтілді. ОАЯҚАА-ның төра­ғасы ретінде Қазақстан екі жыл бойы бұл мәселені ілге­рі­лету бойынша жұмыс істеп, Орталық Азия өңірі елде­рі­нің қауіпсіздігін елеулі түрде ны­ғайтып, таратпаудың жаһандық жүйесіне зор үлес қосты. Сұхбаттасушылар, сондай-ақ, қазақстандық-америкалық екіжақты қатынастардың, со­ның ішінде Стратегиялық әріп­тестік жөніндегі комис­сия мен Энергетика сала­сын­дағы бірлескен комис­сия және Ғылыми-техника­лық ын­тымақтастық комиссия­сының жемісті қызметін атап өтті. Сауда-экономикалық жә­не іскерлік ынтымақтастық ел­деріміз арасындағы стра­тегиялық әріптестіктің маңызды құрамасы болып қала береді. ҚР СІМ басшысы жоғары технологиялар саласындағы АҚШ компанияларының Қазақстанда бірлескен жобаларды жасауға деген қызығушылығының артуын атап өтті. Сұхбаттасушылар арасында халықаралық саясат және өңір­лік қауіпсіздіктің өзекті мәсе­лелері, соның ішінде Украинадағы жағдай бойынша пікір алмасу өтті. Осыған орай, барлық мүдделі тараптардың 17 сәуірде Женевада қол жет­кізілген уағдаластықтарды орын­дау қажеттілігі баса айтылып, қақтығысқа тартылған тарап­тардың ұстамдылық танытып, одан арғы қантөгіске жол бермейтініне сенім біл­дірілді. У. Бёрнс еліміздің Ауған­с­тан­ды қалпына келтіру мен ондағы қауіпсіздікті қамта­ма­сыз етуге қосқан үлесі үшін Қазақстанға ерекше ри­за­шылық білдірді. Ол халық­ара­лық коалиция әскерлерін АИР-ден шығару аясында АҚШ, Қазақстанды қоса алғанда, өз әріптестерімен Ауғанстанның, соның ішінде соңғы отырысы 2013 жылдың сәуірінде Ал­матыда өткен Ыстамбұл үдерісі шеңберіндегі тұрақты дамуын сақтайтынына сендірді. Дипломаттар барлық дең­гей­лердегі үнқатысуды жал­ғас­тырып, қазақстандық-аме­ри­калық стратегиялық әріптес­тік­ті нығайту мен кеңей­туге қо­­сым­ша күш салуға уағда­ласты.