Жапон үкіметі қаза тапқан бұрынғы көшбасшы Синдзо Абэнің мемлекеттік жерлеу рәсіміне 1,83 миллион доллар жұмсамақ, деп хабарлайды Egemen.kz Reuters агенттігіне сілтеме жасап.
Жапон үкіметі биліктегі партияның іс-әрекетіне наразы халықтың қарсылығына қарамастан, қаза тапқан бұрынғы көшбасшы Синдзо Абэнің мемлекеттік жерлеу рәсіміне 1,83 миллион доллар жұмсайды.
Еске сала кетейік, үгіт-насихат науқаны аясында елдің батысындағы Нара префектурасына келіп, халық алдында сөз сөйлеген Синдзо Абэге белгісіз біреу оқ атқан еді. Экс-премьердің денесіне оқ тиіп, ол сол мезетте жерге құлады. Арада бірнеше сағат өткен соң Синдзо Абэ ауруханада көз жұмды.