Жылжымайтын мүлік бойынша korter.kz қызметі үй сатып алу кезінде жеңілдік алуға мүмкіндік беретін бірнеше кеңес ұсынды. Үнемделген ақшаға жөндеу жұмыстарын жүргізуге немесе қажетті жиһаз сатып алуға болады, деп хабарлайды Egemen.kz.
Пәтер сатып алу кезінде инфрақұрылымға қатысты жеңілдік алуға болады. Кейде инфрақұрылымы әлі қалыптаспаған, дамып келе жатқан аудандарда орналасқан пәтерлердің бағасын сәл төмендетуге мүмкіндік бар. Үйдің жанында саябақ, балабақша, мектеп, супермаркеттер және басқа да әлеуметтік және коммерциялық нысандар болмаса, пәтер иесімен саудаласып көрген жөн.
Кейде ғимарат салушы қолайсыз сайт ашып, жарнаманы нашар жасағанын байқаймыз. Ғимарат салушы веб-әзірлеуші және маркетолог қызметтерін жалдау кезінде қаражат үнемдегенін көрсетеді. Сатып алушы үшін ең қызықты жарнамалық қадам - жаңа ғимараттағы пәтерлерді жеңілдікпен сату.
Пәтер орналасқан қабатты таңдау - мәміле кезіндегі маңызды шешімдердің бірі. Бірінші және соңғы қабатта орналасқан пәтерлер әдетте сәл арзанырақ болады.
Пәтер сатып алмастан бұрын ғимарат салушыларды міндетті түрде салыстырып көру қажет. Белгілі бір ғимарат салушының кеңесші менеджерлерімен сөйлескенде, ұқсас пәтердің бағасы төмен болғандықтан басқа девелопер ұсыныстарын қарастырып жатқаныңыз туралы айтуға болады. Бұл аргумент сатып алушы тарапқа тиімді болмақ.
Сатып алу үшін дұрыс уақытты да таңдай білу қажет. Жыл немесе тоқсан соңы – мәміле жасау үшін ең қолайлы уақыт. Ғимарат салушы өкілдері сату жоспарын орындауы қажет. Егер кеңесші менеджер оны орындай алмай жатса, онда оны белгілі бір жеңілдікке көндіруге болады.
Ипотека рәсімдеу немесе 100% төлем жасау арқылы да жеңілдік алуға септігін тигізеді. Себебі, ғимарат салушыға бөліп төлеу кезіндегідей бірнеше ай күтпей, тұрғын үйдің толық құнын бірден алған әлдеқайда тиімді. Ипотека рәсімделсе де, ғимарат салушы банктен 100% толық соманы эскроу шотына алатын болады.
Сату кеңсесінде жай ғана жеңілдік сұрауға болады. Әрине, кеңесші менеджер сізге қосымша бонустар беруге келіспеуі де мүмкін, бірақ сату жөніндегі директормен сөйлесуіңізге болады. Онымен мәміле егжей-тегжейлерін талқылап, пәтерге жеңілдік қарастыруын сұрау - сіздің пайдаңызға жүзеге асуы мүмкін.