Дүниежүзілік денсаулық сақтау ұйымы (ДДҰ) әлемде маймыл шешегін жұқтыру 21 пайызға төмендегенін мәлімдеді, деп хабарлайды Egemen.kz Reuters агенттігіне сілтеме жасап.
ДДҰ-ның эпидемиологиялық есебіне сәйкес, 15-21 тамыз аралығында өткен аптамен салыстырғанда ауру 21 пайызға азайған.
«Қоғамдық денсаулық сақтаудың тиімді шаралары мен вакцинацияның арқасында Еуропада індет жұқтыру баяулады», деді ДДҰ бас директоры Тедрос Адхан Гебрейесус.
Алайда АҚШ-та маймыл шешегін жұқтырудың жоғарғы өсімі байқалады. Сондай-ақ, дүниежүзілік жағдайлардың 34 пайыздан астамы Америка Құрама Штаттарында екені атап өтілді.
Дүниежүзілік денсаулық сақтау ұйымының мәліметі бойынша, бүгінге дейін маймыл шешегі 96 елде анықталып, 41 мыңнан астам жағдайы тіркелген.