Елорда тұрғындарының өтініші бойынша Нұр-Сұлтандағы ауыл шаруашылығы жәрмеңкесі 30 тамызға дейін жалғасады, деп хабарлайды Egemen.kz Нұр-Сұлтан әкімдігінің сайтына сілтеме жасап.
Нұр-Сұлтанда Түркістан облысының 70-тен астам ауыл шаруашылығы өндірушілері 535 тонна өз өнімдерін ұсынды. Оның ішінде ет және ет өнімдері, көкөністер, картоп, сүт, нан-тоқаш өнімдері, жемістер мен бақша өнімдері, бал, жеміс шырындары, консервіленген өнімдер, жұмыртқа бар. Мұның бәрін дәстүрлі түрде нарықтық бағадан 15-20% төмен бағамен сатып алуға болады.
Жәрмеңке 29 тамызға дейін созылуы керек еді, бірақ қала тұрғындарының өтініштері бойынша іс-шара 30 тамызға дейін ұзартылды (жәрмеңке дүйсенбіде де болады).
Жәрмеңке «Барыс Арена» мұз сарайының аумағында өткізіледі.