Бүгін Үкімет отырысында Премьер-Министр Әлихан Смайылов алыстағы елді мекен түгілі қаладағы интернет сапасының өзі сын көтермейтінін айтты, деп жазады Egemen.kz.
«Жалпы интернет-қызметтердің сапасына қатысты сұрақтар бар. Алыстағы елді мекендерді айтпағанда, біздің ірі қалаларымызда Интернет байланыстың сапасы барлық жерде бірдей жақсы емес. Халықтан түсіп жатқан шағым көп. Егер Интернет байланыс жақсы болмаса, цифрлық платформалардың және ақпараттық жүйелердің пайдасы жоқ. Цифрлық даму министрлігі бұл мәселені ерекше бақылауда ұстау керек», деді Үкімет басшысы.