Сайлау демократиялық өзгерістерді нығайтады

Дәлірек айтсақ, 2019-2022 жылдары Президенттің саяси бастамаларының өте үлкен пакеті заңнамалық деңгейде іске асты. Енді қазір сайлау арқылы аталған реформаларды нақты орындау, оны бекіту кезеңі басталды.

Бірінші кезеңде біз консти­туциялық реформа өткіздік, референдумда Ата Заң 30 пайызға жаңарды. Осындай үлкен өзге­рістерден кейін Президент, Парламент және барлық дең­гейдегі мәслихаттарды сайлау маңызды. Осылайша, Президент және Парламент сайлауын кезең-кезеңімен өт­кізу арқылы біз ең алдымен, еліміздің саяси жүйесін қайта жаңартамыз.

Кезектен тыс Президент сай­лауы 20 қарашада өтетін болды. Келесі жылы Пар­ламент сайлауы болады. Қоғам болған соң түрлі пікірдің айтылуы заңдылық. Осы орайда, «қазіргідей алмағайып кезеңде кезектен тыс сайлау өткізудің қажеті қанша» деген пікірді де арагідік естіп қаламыз. Меніңше, үш жылда атқарылған ауқымды жұ­мыстар мен жүргізілген түрлі реформалардан кейін сайлау өткізіп, елдің алдағы бағыт-бағ­да­рын тағы бір айқындап алатын уа­қыт жетті. Сол себепті ел тұр­ғын­дары алдағы саяси шараға бір адам­дай жұмыла атсалысуы керек.

Өз тарихында «бірлік керек» деген сөзді қазақтан көп айтқан ұлт жоқ шығар. Дәл осы сөзді қазір де айтуға тиіспіз. Өйткені мемлекет үшін бірлік бізге ауадай қажет. Алдағы сайлау халықты біріктіруге бағытталған. Бүгінгі әлемде қалыптасқан жағдайды қаперге ала отырып, азаматтарымыз болашақтағы бағытымыз бен нақты жоспарымызды анық түсінуі қажет. Сайлау консти­ту­циялық реформалардың қоры­тындыларын бекітіп қана қой­майды, сондай-ақ басқа са­ла­лардағы реформаларды жалғастырып, нығайту үшін қажетті уақыт пен сенім мандатын береді. Ал алдағы реформалар ең алдымен әлеуметтік және эко­но­микалық бағытты қамтитыны даусыз.

Жастардың өкілі болған­дық­тан, өз қатарластарымды алдағы сайлауда белсенді болуға шақырамын.

Дәурен ҒАЗИЗ,

С.Торайғыров университеті, саясаттану ғылымдарының магистранты

ПАВЛОДАР