Шымкентте жалған доллар мен «мефедрон» есірткі затын сатқан адам 10 жылға сотталды, деп хабарлайды Egemen.kz.
Шымкент бойынша қаржы мониторингі агенттігінің департаментінде егжей-тегжейлі ақпарат берілді.
- «Мефедрон» синтетикалық есірткі мен 9300 доллар мөлшеріндегі жалған ақша қаражатын сату фактісі бойынша қылмыстық іс аяқталды, - делінген ҚР ҚҚА баспасөз қызметінің ақпаратында.
Агенттіктің нақтылауынша, ұсталған азамат сот үкімі бойынша кінәлі деп танылып, 10 жылға бас бостандығынан айырылды.
Жалған долларларды сату фактісі сәуір айында белгілі болды. Маусым айында іс сотқа жіберілді.