Павлодар облысы әкімінің бірінші орынбасары Олег Круктың айтуынша, 21-26 қыркүйек аралығында шекаралық бекеттер арқылы Ресейден Павлодар облысына 13 284 адам өткен. Қазіргі уақытта өңірде шамамен 8 мыңнан астам ресейлік жүр деп шамалануда.
Қазір аймақтағы қонақүйлер 95-98 пайызға толған. Тек хостелдердің 30 пайызы бос тұр.
Халыққа қызмет көрсету орталықтарында 21-26 қыркүйек аралығында ресейлік азаматтардан жеке сәйкестендіру нөмірін (ЖСН) алу үшін 931 өтініш түскен. Бір ғана 26 қыркүйек күні 508 өтініш қабылданыпты. Адамдардың мұндай нөпіріне шыдамаған Павлодардағы №3 ХҚО қосымша 7 қызмет көрсету үстелін құрып, резидент емес тұлғаларды жеке қабылдауда. Көші-қон қызметтерінде осы күндері 437 ресейлік уақытша тіркелген.
Павлодар облысы