Ауыл шаруашылығын өркендететін алаң

Көрме аясында көптеген шара жос­парланған. Олар – ауыл шаруа­шы­лығындағы тың технологиялар­ды таныстырудан бастап, түрлі тақы­рыптарға конференция, іскерлік кездесу өткізу, тауарлар мен өнімдер сау­дасы, аукцион, баспасөз мәслихаты мен жеке кездесулер және тағы басқа іс-шаралар.

Көрменің жалпы аумағы 20 мың шаршы метрді құрайды. Кеше көр­менің ресми ашылу салтанаты өтті. Көрмеге қатысушыларды еліміздің Ауыл шаруашылығы министрі Ербол Қарашөкеев құттықтады.

«KazAgro/KazFarm – өте маңызды оқиға. Ауыл шаруашылығы тауар өндірушілерінің аса күрделі де жа­уапты жұмысының нәтижесінде биыл егін орағын өте жақсы нәтижелермен аяқтағанымызды көріп отырмыз. Бұл көрме аясында көптеген келісімшартқа қол қойылатынына сенімдімін. Біздің компаниялар байланыс, технология және озық тәжірибе алмасу арқылы өздері үшін көптеген мүмкіндікті ашатынына сенімдімін», деді министр.

Ал Ауыл шаруашылығы вице-министрі Тамабек Әбілқайыр Қазақстан – аграрлы ел болған­дықтан, агроөнеркәсіп кешені ел экономикасында шешуші рөл атқаратынын жеткізді. Бұл – елдің тұрақты дамуын, қауіпсіздігін және экспорттық әлеуетінің өсуін қамтамасыз етудің ең маңызды факторы. Агроөнеркәсіптік кешен – халықтың жартысына жуығы үшін негізгі табыс көзі және ауыл шаруашылығы өнімдерін өндіруге, оны өңдеуге және сақтауға мамандан­ған, сондай-ақ ауыл шаруашылығы мен қайта өңдеу өнеркәсібін қа­жет­ті өнімдермен қамтамасыз ететін тығыз экономикалық және өндірістік байланыстары бар салаларды қам­тиды. Көрменің мақсаты – ауыл шаруа­шылығы саласындағы жетіс­тіктерді көрсету және Қазақ­станның барлық фермерін бірегей алаңға біріктіру. Көрме өткізу игі дәстүрге айналғаны қуантады», деді вице-министр.

Салтанатты іс-шарада диплома­тиялық миссиялар басшылары атынан Германияның Қазақстандағы Төтен­ше және өкілетті елшісі Мони­ка Иверсен неміс компания­лары үл­кен қызығушылық таныта­тын аг­ро­өнеркәсіп кешенінде Қазақ­станның әлеуеті зор екенін, бүгін­гі таңда көрмеге ұсынылған компа­ниял­ар­дың саны өткен жылмен салыс­тыр­ғанда екі есеге өсіп, 24-ке жеткенін атап өтті.

Қазақстан мен Германия арасын­дағы өзара іс-қимылдың маңыз­ды­лығын DLG (Германия ауылшаруа­шылық қауымдастығы) басқарушы директоры Тобиас Эйхберг де атап өтті. Спикер «KazAgro/KazFarm» білім алмасу, инновациялар мен ғылы­ми әзірлемелерді көрсету, сондай-ақ өндірушілер, фермерлер және тұ­тынушылар арасында байланыс орнату үшін тамаша алаң екенін атап өтті.

Ал «Ростсельмаш» компания­сының Қазақстандағы сату департа­ментінің директоры Сергей Робченко тиімді ынтымақтастыққа мүмкіндік беретін және жаңа нәрселерді үй­ренуге қолайлы жағдай жасай­тын тамаша платформа үшін ұйымдас­тырушыларға алғыс айтты.

Көрме тарихында алғаш рет Астанада асыл тұқымды қошқарлар мен ешкілердің биоматериалының (ұрығының) аукционы өтті. Бұл аукционның ерекшелігі, жануарларды іріктеуге, сол арқылы ет, сүт және жүннің ең жоғары сапасына қол жеткізуге мүмкіндік бар. Мысалы, Гэмпшир асыл тұқымды қошқар биоматериалы 100 жылға дейін сақталады. Мұндай биоматериалдың бағасы жыл сайын өсіп келе жатқанын атап өткен жөн. Көрмеге осы секілді «элиталық» сыныптағы асыл тұқымды Еділбай, Дорпер, Қаракөл, Меринос, Цвартблес тұқымдары, Заанен сүтті ешкілері қойылады. Шәуетті криоконсервация­лау зертханада IMV технологиясы бойынша (Франция) жүргізіледі.

Көрме барысында ұсынылатын инновациялық технологиялық шешім­дердің қатарында сиырларға қолайлы жағдай жасап, өнімділікті арттыруға арналған Dairy Robot R9500 сауу роботының тұсаукесері де бар.

Көрме аясында алғашқы күні «Үздік сауыншы» байқауы өтті, онда әркім ірі қара малды сауу шеберлігіне тесті­леуден өтті. Қауіпсіздік мақ­сатында байқау сиырлардың ағаш үлгілері бойынша ғана өткізілді. Сауыншылар байқауына қатысу ерікті түрде болды. Қатысқандардың біразын ер адамдар құрады.

Сондай-ақ көрме барысында мал өсірушілер, ветеринарлар және Қазақстанның мал шаруа­шы­­лығы саласының инвесторлары үшін «Жо­ғары сапалы идентификация құрал­дарын пайдалана отырып, жан­уар­лардың асыл тұқымдылы­ғын жақ­сарту: Қазақстан Рес­публи­ка­сын­дағы ағым­дағы тәжірибе және болашақ әлеуеті» ақпа­раттық шарасы өтті.

Көрмеге қатысу кез келген адам үшін пайдалы деуге болады. Мәсе­лен, көрмені аралай жүріп Қазақстанда сатылып жатқан түрлі ауыл шаруашылығы техникаларының онлайн базары секілді арнаулы мобильді қосымшаны жүктеп алуға, сол арқылы қай жерде қандай техника сатылымға шығарылатынын біліп, оның иесімен қолма-қол келіссөз жүргізуге болады. Осы қосымшаны әзірлеген «Traktor.app» мамандары бұл сервистік қызметтің қарапайым шаруаларға көмегі мол екенін айтты.