«Болашақтың» байыпты байламы

Қауымдастық президенттік бағдарлама түлектерінің мүд­делерін білдіре отырып, еліміз­дің табысты қоғамдық ұйым­дарының бірі болып саналады. Осы бағдарлама бойынша бүгінге дейін 12 мыңнан астам стипендиат білім алды.

2001 жылдан бастап қауым­дас­тықтың мүшелері білім беру, білімдерді тасымалдау, сараптамалық әлеуетті қалып­тастыру, ұлттық мәдениет пен мем­лекеттік тілді дамыту сала­­ларында 150-ден астам ірі әлеуметтік жобаны жүзеге асырды.

Қауымдастық – бұл тұрақты даму саясатын жүзеге асыруға, қызметкерлердің сабақтастығын қамтамасыз етуге, жаңашылдық жолымен өткеннің дәстүрлерін сақтап қалуға біріккен мүдделес азаматтар қоғамы. «Болашақтың» басты мақсаттарының бірі – Отанымыздың экономикалық, әлеуметтік және саяси дамуына үлес қосу. Еліміз, оның ішін­де жастар бүгінде елімізге жа­һандық үдерістерге қатысу үшін ішкі тұрақтылық қажет екенін түсінеді.

«Қазақстанның ішкі саясатын талдай отырып және елді дамыту үшін берілген стратегиялық бағытты назар­ға ала келе Қасым-Жомарт Тоқаевтың көпвекторлы саясаты ел экономикасының жан-жақты дамуын, республи­камыз­дың халықаралық мәртебесін нығайтуды қолдайды деп санаймыз.

Қазақстандағы саяси жағдай тұрақтылықтың, кон­фес­сияаралық келісімінің, ел­дің барлық азаматының мүд­десі үшін демократия мен мем­лекеттік институттардың дамуының бірегей үлгісін бүкіл жаһанға көрсетеді. Қазақстанның тұрақты саяси дамуы әлемдік қоғамдастық үшін теңгерімді бастамалардың көзі ретінде елдің дамуында маңызды рөл атқара алады және атқаруға тиіс», дейді болашақтықтар.

«Бүгінде біз ішкі және сырт­қы саясатымыздың сабақтас­ты­ғын, тұрақтылығын растауы­мыз керек. Елімізде әлеуметтік және саяси үйлесімділікті қолдау мақсатында мемлекеттік стратегияларын және әлеуметтік бағдарламаларын табысты іске асыруды жалғастыру қажет. Сайлау біздің еліміздің дамуына, геосаяси және экономикалық тұрақсыздықтың жағымсыз әсерін болдырмауға, халықтың бірлігін нығайтуға мүмкіндік береді деп сенеміз. Олай болса, сайлауды ағымдағы жылда өткізу тәуелсіз Қазақстанның гүлденуі үшін алдымызға қойып отырған мемлекеттік бағыттың шешуші жалғасы болып табылады. Біздің таңдауымыз отансүйгіштіктің, мемлекеттің және қоғамның болашағы үшін жоғары аза­маттықтың және жауап­кер­шіліктің үлгісі болуға тиіс», дейді қауымдастық­тың кеңес төрағасы Алмас Құдайберген.