1955 жылы туған азамат кісіге от атты деген күдікке ілінген деп хабарлайды Egemen.kz.
– 15 қазанда сағат 11:--42-де Павлодар қаласының Лермонтов көшесіндегі үйлердің бірінің ауласында, подъездің жанында 40 жастағы ер адамның мәйіті табылды. Оның іш қуысында оқ жарақаты болған.
1955 жылы туған күдікті оқиға орнынан қашып кеткен. «Ұстап алу» жоспары дереу енгізіліп, бағдарлар жіберілді. Жедел-іздестіру іс-шараларын өткізу барысында патрульдік полиция батальонының қызметкерлері күдіктіні Павлодар – Омбы автожолында ұстады. Ол мойындау түсініктемелерін берді. Осы факті бойынша ҚР ҚК-нің 99-бабы бойынша сотқа дейінгі тергеу басталды. Күдікті Павлодар қаласының УҰИ-на қамауға алынды, – деді Павлодар қаласы ПБ Солтүстік полиция бөлімінің бастығы Бекзада Бөлежанов.
Polisia.kz сайтының жазуынша, оқиғаның мән-жайы мен себептері анықталуда.