Ұлыбритания ІІМ басшысы Суэлла Браверман отставкаға кетті, деп хабарлайды Egemen.kz.
Браверман бұл қызметке 43 күн бұрын тағайындалған. Ол бұған дейін жеке электрондық поштаны пайдаланып, әріптесіне құжат жібергенін, бұл Үкіметтің жұмыс ережелеріне қайшы екенін түсіндірді.
«Қателік жасағаныма қатты өкініп, отставкаға кетуді шештім», деп жазды Браверман өзінің Twitter парақшасында.
Борис Джонсон премьер-министр болған жылдары Браверман Бас прокурор қызметін атқарған еді.
Енді Ішкі істер министрі лауазымына Грант Шеппс ие болды.