Мемлекет басшысы әділетті Қазақстан құрудың мән маңызы жайлы айтып берді, деп хабарлайды Egemen.kz.
«Әділетті Қазақстанды құру – баршамыздың ортақ мақсатымыз. Біз ұлт болып ұйысып, парламент дәстүрі барынша орныққан, президенттік республика құрамыз. Жаңа Қазақстанның түпкі мәні де – осы. Ұлттың шынайы ұлылығы дегеніміз бұл – ең алдымен, оның азаматтары, олардың Отанға деген сүйіспеншілігі және елдің өркендеуі үшін жасаған адал еңбегі», деді Президент.
Айта кетейік, бүгін Қасым-Жомарт Тоқаев Республика күні қарсаңында ерлігі мен еңбегін ел мойындаған бір топ азаматты жоғары мемлекеттік наградамен марапаттады.