Есірткі бизнесіне қатысты қылмыстық құқық бұзушылық саны 9%-ға азайды, деп хабарлайды Egemen.kz Finprom порталына сілтеме жасап.
Биыл қаңтар-қыркүйек айларында республикада есірткі құралдарының, психотроптық немесе улы заттардың, олардың аналогтары мен прекурсорларының заңсыз айналымына байланысты 5,7 мың қылмыстық құқық бұзушылық тіркелген, бұл былтырғы жылмен салыстырғанда 8,7%-ға аз.
Сондай-ақ мұндай заттарды сату мақсатындағы 1,3 мың жағдай мен тыйым салынған есірткі заттары бар өсімдіктерді өсірудің 283 фактісі тіркелді.
Өңірлік тұрғыда есірткі саудасына қатысты құқық бұзушылық елордада жиі тіркелген. Онда жыл басынан бері 624 оқиға болды, бұл былтырғы жылмен салыстырғанда 30%-ға аз. Алматыда 515 жағдай (-11,5%), ал Жамбыл облысында 503 жағдай (-14,2%) тіркелген.
Құқық бұзушылықтар санының айтарлықтай өсімі Ақтөбе облысында көрініс тапқан, онда 308 құқық бұзушылық анықталған.
Осы жылдың тоғыз айында есірткі құралдарының, психотроптық немесе улы заттардың, сол тектестердің және прекурсорлардың заңсыз айналымына қатысты қылмыстық құқық бұзушылықтар бойынша 3,2 мың адам ұсталған, бұл былтырғы жылмен салыстырғанда 4,7%-ға аз. Оның ішінде 204-і бұрын заңды болғандар.
Құқық бұзушылардың 133-і әйел, 18-і кәмелетке толмағандар. Қылмыскерлердің басым бөлігі Қазақстан Республикасының азаматтары, ал заңды бұзғандардың ішінде ТМД елдерінің 140 азаматы, оның ішінде Өзбекстанның 55, Ресейдің 48, Қырғызстанның 22, Тәжікстанның 4, Түрікменстанның 2 азаматы бар.