Синоптиктердің мәліметінше, еліміздің 11 облысында жел күшейіп, көктайғақ болып, қар жауады, деп хабарлайды Egemen.kz.
Атап айтқанда, Жамбыл облысының таулы аудандарында тұман күтіледі. Оңтүстік-шығыстан соғатын жел оңтүстік-батыс желіне ауысады, облыстың оңтүстік-батысында, солтүстік-шығысында, таулы аудандарында 15-20 м/с, күндіз екпіні 23-28 м/с күтіледі. Тараз қаласында оңтүстік-батыстан жел соғады, екпіні 15-20 м/с.
2 қарашада Қызылорда облысында оңтүстік-батыстан жел соғады, облыстың орталығында күші 15-20, күндіз екпіні 25 м/с. Қызылорда қаласында жел оңтүстік-батыстан соғады, күндіз екпіні 15-20 м/с күтіледі.
Қарағанды облысының шығысында тұман болады. Оңтүстік-шығыстан, оңтүстіктен жел соғады, облыстың орталығында, шығысында екпіні 15-20, кей уақытта 25 м/с күтіледі. Қарағанды қаласында күндіз оңтүстік-шығыстан, оңтүстіктен жел соғады, екпіні 18 м/с.
Ұлытау облысының батысында, солтүстігінде, шығысында оңтүстік-шығыстан оңтүстік-батысқа жел ауысады, екпіні 15-20 м/с.
Батыс Қазақстан облысының солтүстігінде көктайғақ, жаяу бұрқасын күтіледі. Жел солтүстік-батыстан, батыстан соғады, түнде облыстың солтүстігінде, күндіз облыстың басым бөлігінде екпіні 15-20 м/с. Оралда түнде және таңертең көктайғақ, жаяу бұрқасын күтіледі. Жел солтүстік-батыстан, батыстан соғады, екпіні 18 м/с.
Түркістан облысының таулы және тау бөктерлі аудандарында қатты жаңбыр жауады. Түнде және таңертең таулы аудандарда тұман күтіледі. Оңтүстік-батыстан солтүстік-батысқа ауысатын жел соғады, облыстың солтүстігінде, батысында, таулы және тау бөктерлі аудандарында күші 15-20, тау асуларында екпіні 23-28 м/с. Түркістан қаласында оңтүстік-батыстан солтүстік-батысқа ауысатын жел соғады, екпіні 15-20 м/с.
Шымкентте таңертең және күндіз қатты жаңбыр күтіледі. Оңтүстік-батыстан солтүстік-батысқа ауысатын жел соғады, екпіні 15-20 м/с.
Жетісу облысының таулы аудандарында тұман күтіледі. Шығыстан жел соғады, Алакөл көлдері ауданында екпіні 15-20 м/с.
Солтүстік Қазақстан облысының басым бөлігінде жауын-шашын (жаңбыр, қар) күтіледі. Облыстың оңтүстік-батысында, солтүстігінде көктайғақ күтіледі. Оңтүстік-шығыстан жел соғады, облыстың оңтүстік-батысында, солтүстігінде екпіні 15-20 м/с. Петропавлда күндіз 02 қарашада көктайғақ күтіледі. Оңтүстік-шығыстан жел соғады, күндіз екпіні 15-20 м/с.
Атырау облысының басым бөлігінде батыстан жел соғады, екпіні 15-20 м/с күтіледі. Атырау қаласында атыстан жел соғады, екпіні 15-20 м/с.
Маңғыстау облысында солтүстік-батыстан, батыстан жел соғады, облыстың батысында, солтүстігінде, оңтүстігінде 15-20 м/с күтіледі. Ақтауда 2 қарашада солтүстік-батыстан, батыстан жел соғады, екпіні 15-20 м/с күтіледі.
2 қарашада күндіз Ақтөбе облысының солтүстігінде жаяу бұрқасын болады. Оңтүстік-батыстан жел соғады түнде солтүстгінде, күндіз облыстың басым бөлігінде екпіні 15-20 м/с. Ақтөбе қаласында күндіз жаяу бұрқасын күтіледі. Оңтүстік-батыстан жел соғады күндіз екпіні 15-20 м/с.