Шымкент тұрғыны алаяқтың уәдесіне сеніп, 2 миллион теңгесінен айырылды, деп хабарлайды Egemen.kz ІІМ ресми сайтына сілтеме жасап.
Әл-Фараби аудандық полиция бөліміне жергілікті тұрғын арызданған. Зардап шегушінің айтуынша, досы оған мемлекеттік бағдарлама бойынша пәтер алуға көмектесуге уәде еткен. «Қызметі» үшін жәбірленушіден 2 миллион теңге алған. Ал біраз уақыттан кейін уәде орындалмай, ақша қайтарылмаған.
Қылмыстық іс ҚР Қылмыстық кодексінің 190-бабы «Алаяқтық» бойынша тіркелген.
Күдікті ұсталып, сотқа дейінгі тергеу амалдары жүргізілуде.