Бүгін елордалық «Барыс» Құрлықтық хоккей лигасы чемпионатының үй сериясы аясында Владивостоктан келген «Адмирал» командасымен кездеседі, деп хабарлайды Egemen.kz.
Айта кетсек, бұл командалардың осы маусымдағы екінші бетпе-бет кездесуі. 13 қазанда өткен бірінші кездесуде қазақстандықтар 3:1 есебімен жеңіске жеткен еді.
Владивосток командасы жақсы ұпай жинап келеді, бұл хоккейшілердің турнирлік жағдайына әсер етті.
«Барыс» 1 қарашада «Сібір» командасын өз алаңда қабылдап, 3:1 есебімен жеңді. Жеңіс шайбаларын Джереми Бракко, Линден Вей және Кирилл Савицкий соқты.
«Барыс» – «Адмирал» жекпе-жегі Астана уақыты бойынша 19:30-да басталады.