Тәжікстанда Конституция күні аталып өтуде. Бұл туралы Тәжікстанның «Ховар» ұлттық ақпарат агенттігі хабарлады, деп жазады Egemen.kz.
Тәжікстан президенті Эмомали Рахмон ел халқын Конституция күнімен құттықтады.
«Конституция нормалары негізінде біз қоғам мен мемлекеттің берік негізін құрай алдық, бейбітшілік пен тыныштықты, саяси тұрақтылық пен ұлттық бірлікті нығайта алдық», делінген құттықтауда.
Осыдан 28 жыл бұрын, 1994 жылы 6 қарашада жалпыхалықтық референдумда Тәжікстан Республикасының Конституциясы қабылданды.