Ресеймен шекаралас Қиғаш өзенінен басталып, екі облыс аумағынан өтетін «Астрахан-Маңғышлақ» су құбырын жаңғырту жұмыстары басталды, деп хабарлайды Egemen.kz.
Бүгінде бұл су құбыры Атырау облысының Құрманғазы, Исатай және Жылыой аудандарының, сондай-ақ Маңғыстау облысының Жаңаөзен қаласы, Бейнеу, Маңғыстау, Қарақия және Түпқараған аудандарының тұтынушыларын сумен қамтамасыз етудің жалғыз орталықтандырылған көзі.
Атырау облысы әкімдігінің баспасөз қызметі су құбырының максималды өнімділігі – тәулігіне 110 мың текше метр екенін айтады.
«Қайта жаңғырту жобасы аясында су құбырының өнімділігі тәулігіне 170-200 мың текше метрге дейін ұлғайтылады. Іске асыру мерзімі 2022-2023 жылдарға жоспарланған», деп хабарлады әкімдік өкілдері.