20 қазаннан бастап Маңғыстау облысының аумағында «Браконьер» республикалық жедел-профилактикалық іс-шарасы өткізіліп жатыр, деп хабарлайды Egemen.kz.
Операцияның 23 күнінде табиғат қорғау заңнамасын бұзудың 130 дерегі анықталды
«Оның ішінде 3 дерек бойынша қылмыстық іс қозғалды. ҚР ӘҚБтК-нің 382-бабы бойынша 127 адам жануарлар дүниесін пайдалану талаптарын және аң аулау ережелерін бұзғаны үшін әкімшілік жауапкершілікке тартылды», деп жазылған аймақтық ПД таратқан хабарламада.
Айта кетейік, жедел-профилактикалық іс-шаралар Маңғыстау облысында 19 қарашаға дейін жалғасады.