Қарағанды – Балқаш тас жолын қалпына келтіру 2023 жылдың соңына дейін аяқталады, деп хабарлайды Egemen.kz ИИДМ баспасөз қызметіне сілтеме жасап.
Мемлекет басшысы Қарағанды облысына жұмыс сапарында Қарағанды – Балқаш, Балқаш – Бурылбайтал автожолдарында жүріп жатқан жаңғырту жұмыстарын аяқтауды тапсырған болатын.
Тапсырма аясында, қазір Қарағанды – Балқаш автомобиль жолында ұзындығы 363 шақырымға жететін 8 жол учаскесінде жаңғырту жұмыстары жүргізілуде.
«Жол учаскелерінде жалпы ұзындығы 8 шақырым болатын 16 айналма жол қарастырылған. Жыл соңына дейін тиісті жұмыстар аяқталып, жаңа жол жабынына байланысты қозғалыс үдерісін 13 айналма жолға ауыстыру жоспарланған. Автожолды қайта жаңарту бойынша құрылыс-монтаж жұмыстарын 2023 жылдың аяғына дейін дайын болады», деп жазды министрліктің баспасөз қызметі.
Сондай-ақ Балқаш – Бурылбайтал автомобиль жолының учаскесінде жүргізіліп жатқан жаңғырту жұмыстары бойынша, мұнда 288 шақырымның 6 учаскесінде жол жабынын төсеу жүргізіліп жатыр. Жаңа асфальтбетонмен жол қозғалысы 161 шақырым жерге қамтамасыз етілген. Аталған жобаны соңына дейін жеткізу 2023 жылдың соңына межеленіп отыр.
«Жезқазған – Қарағанды автомобиль жолы бойынша қазір 513 шақырымға жобалық-іздестіру жұмыстары жүргізіліп жатыр. Бұл жоба 12 учаскеге бөлінген. Жобалау-сметалық құжаттаманы әзірлеуді 2023 жылы аяқталады. Құжаттаманың дайын болуына байланысты тиісті жұмыстар кезең-кезеңмен жасалады», деп хабарлады министрліктің баспасөз қызметі.