Жәнібек Әлімханұлына 2022 жылдың 13 желтоқсанына дейін жекпе-жек өткізуге ресми түрде тыйым салынды, деп хабарлайды Egemen.kz Sports.kz-ке сілтеме жасап.
WBO орта салмақтағы әлем чемпионы Жәнібек Әлімханұлы (13-0, 8 КО) 13 қарашада Лас-Вегаста британдық Дензель Бентлимен (17-2-1, 14 КО) жекпе-жек өткізген.
Кездесу Әлімханұлының жеңісімен аяқталды.
Жекпе-жектен кейін Невада штатының Атлетикалық комиссиясы боксшыларға бірқатар шектеу қойды.
Енді қазақстандық боксшыға 2022 жылдың 13 желтоқсанына дейін жекпе-жек өткізуге ресми түрде тыйым салынады, ал Бентли рингке 28 желтоқсанға дейін шықпайды.
Бұл шара медициналық сипатта енгізілгені қоса хабарланды.