Қарағанды облысында жүк вагондары рельстен шығып 1000-ға жуық адам эвакуацияланды, деп хабарлайды Egemen.kz Төтенше жағдайлар департаментінің баспасөз қызметіне сілтеме жасап.
«Құлайғыр және Қарамұрын станцияларынан 963 жолаушы эвакуацияланды», делінген хабарламада.
Еске салайық, Қарағанды облысының Абай ауданында жүк вагондарының рельстен шығып кетуіне байланысты жолаушылар пойыздары тоқтаған болатын.
Эвакуацияға жергілікті атқарушы органдар мен Төтенше жағдайлар департаментінің 28 адамы мен 17 техникасы жұмылдырылды.
«Қазақстан темір жолы» баспасөз қызметі хабарлағандай, Қарағанды облысының әкімдігімен бірлесіп 516 пойыз жолаушысын Қарағанды, Астана қалаларына автобуспен жеткізу ұйымдастырылған.