Қазақстанның Еңбек Ері, КСРО Халық әртісі Асанәлі Әшімов «Самал» шағын ауданында орналасқан №382 сайлау учаскесіне барып, Президент болуға лайықты санаған үміткерін таңдады, деп жазады Egemen.kz.
«Халықтың әл-ауқаты, көңіл-күйі түзелмей береке болмайды. Көңіл-күй жақсы болған кезде ғана жұмыста береке болады. Бұл бір. Екіншіден, ғылым, білім, мәдениетті дамыту керек. Ұлылардың айтуынша, мәдениетсіз, әдебиетсіз ел – ел емес деген. Сондықтан мен таңдаған кандидат осыған көп көңіл бөледі деп сенемін. Келешек үшін адал қызмет істейді деп ойлаймын», деді Асанәлі Әшімов.