World Boxing News порталы 2022 жылдың қараша айындағы салмақ дәрежесіне қарамастан әлемнің ең үздік 50 боксшысының рейтингін жариялады, деп хабарлайды Egemen.kz.
Аталған тізімге алғаш рет қазақ боксшысы Жәнібек Әлімханұлы енді. Ол жақында WBO тұжырымы бойынша орта салмақтағы чемпиондық атағын сәтті қорғады. Боксшы рейтингте 49-орынға тұрақтады.
Айта кетейік, орта дивизиондағы IBF, WBA Super және IBO титулдарының иегері Геннадий Головкин тізімнің 28-қатарында.
Рейтингті WBA, WBO және IBF тұжырымдары бойынша ауыр салмақтағы чемпион украиналық Александр Усик бастады. Екінші орында мексикалық Сауль «Канело» Альварес.