Синоптиктер Қазақстанның 9 облысында дауылды ескерту жариялады, деп хабарлайды Egemen.kz «Қазгидромет» РМК-ға сілтеме жасап.
Атап айтқанда, Алматының кей жерлерінде тұман түсіп, көктайғақ болады.
Шымкентте түнде және таңертең тұман түседі.
Алматы облысының таулы және тау бөктеріндегі аудандарында тұман, көктайғақ күтіледі.
Ақмола облысының оңтүстік-шығысында баяу бұрқасын күтіледі. Облыстың оңтүстік-шығысында солтүстік-шығыстан екпіні 15-20 м/с жел соғады.
Шығыста, Жетісу облысының таулы аймақтарына тұман түседі.
Батыс Қазақстан облысының солтүстігінде түнде және таңертең тұман күтіледі.
Қарағанды облысының оңтүстігінде, шығысында баяу бұрқасын болады.
Түркістан облысының оңтүстігінде, батысында, таулы және тау бөктеріндегі аймақтарында тұманды ауа райы болады.
Ұлытау облысының солтүстігінде, шығысында баяу бұрқасын күтіледі.