Биылғы жылдың қараша айының соңындағы жағдай бойынша елімізде қайталама нарықтағы пәтерлердің бағасы бір жылда 26,9%-ға, жаңа тұрғын үйді сату 17,3%-ға өсті. Бұл туралы 8 желтоқсанда Ұлттық статистика бюросы хабарлады, деп жазады Egemen.kz.
Өңірлік тұрғыда бастапқы тұрғын үй нарығындағы бағалар жылдық мәнде Ақтөбеде – 30,3%-ға, Семейде – 26,9%-ға, Ақтауда – 25%-ға айтарлықтай өсті.
Қайталама тұрғын үй нарығында баға өсімі қатты байқалған қалалар қатарына Талдықорған (44,6%), Ақтау (43,3%), Семей (42,8%), Ақтөбе (42,4%), Астана (41,7%) және Қызылорда (41,2%) кірді, ал тұрғын үйді жалға беру нарығында – Алматы (76,6%), Қарағанды (55,7%) және Қостанай (54,5%) бар.
Бір айда (2022 жылғы қарашадан 2022 жылғы қазанға дейін) пәтерлерді қайта сату бағасы 1%-ға, жаңа тұрғын үйді сату – 1,2%-ға өсті.
2022 жылдың қарашасында жайлы тұрғын үйді жалға алу өткен жылдың сәйкес айымен салыстырғанда 48,6%-ға өсті. Қараша айында жайлы тұрғын үйді жалға алу өткен аймен салыстырғанда 2,4%-ға төмендеді.