Доллардың теңгеге шаққандағы бағамы аздап көтерілді, деп хабарлайды Egemen.kz Қазақстан қор биржасына сілтеме жасап.
Күндізгі сауданың нәтижесінде доллардың орташа сараланған бағамы 0,10 теңгеге көтеріліп, 472,14 теңгені құрады. Айта кетейік, Ұлттық банктің 9 желтоқсандағы бір долларға арналған ресми бағамы 472,17 теңгені құрады.
Kurs.kz хабарлағандай, дәл қазір Астананың ақша айырбастау орындарында америкалық валюта орта есеппен 471,24 теңгеден сатып алынып, 474,32 теңгеден сатылуда. Алматының ақша айырбастау орындарында долларды орташа сатып алу – 469,99 теңге, сату – 473,64 теңге.