Мемлекет басшысы Үкіметтің кеңейтілген отырысында Үкіметтің сын-қатерлерге қарсы тиімді жұмыс істей алмағанын айтты, деп хабарлайды Egemen.kz.
«Ашығын айтуымыз керек, Үкімет биыл еліміз тап болған сын-қатерлерге қарсы тиімді жұмыс істей алмады. Қойылған міндеттер толыққанды орындалған жоқ. Ал кейбір бағыттар бойынша мүлде жұмыс істелінген жоқ. Министрлік және ұлттық компания басшылары нақты шешім қабылдауға келгенде, өздеріне жауапкершілік алудан бастарын алып қашады. Ал тұтас елдің, халықтың тағдыры сол маңызды шешімге байланысты болып жататыны, өкінішке қарай, ескерілмейді», деді Президент.