Оқиға 12 желтоқсан күні сағат 21:50 шамасында болған, деп хабарлайды Egemen.kz ІІМ-ге сілтеме жасап.
Қазбек би мен Қазантаев көшелері бойында орналасқан аспалы көпірден азаматшаның секіріп, өз-өзіне қол жұмсауға әрекеттенгендігі жөнінде хабарлама алған тәртіп сақшылар оқиға орнына дереу жеткен.
Өкінішке қарай, тексеру барысында азаматшаның қайтыс болғандығы анықталды.
«Аталған дерек бойынша ҚР ҚК-нің 105-бабының 3-бөлігімен (Өзiн-өзi өлтiруге дейiн жеткiзу) сотқа дейінгі тергеп-тексеру амалдары басталды. Тиісті сараптамалар тағайындалды. Оқиғаның мән-жайы анықталуда», деп жазылған хабарламада.