Еңбек дауының пәтуасы

Бірінші оқылымда депутат­тар денсаулық сақтау мәселелері бойынша заң жобасын талқы­лайды. Тиісті заң жобасында 2025 жыл­дан бастап медицина қызметкер­лерінің кәсіби жауапкершілігін сақтандыруды енгізу көзделеді, ол денсаулық сақтау субъектісі мен медицина қызметкері арасындағы тең үлесте жүзеге асырылады. Сондай-ақ Қылмыстық кодекске медицина қызметкерінің кәсіптік міндеттерін тиісінше орын­дамағаны үшін айыппұл санкциясын және жаза мерзім­дерін азайту бөлігінде өзгеріс енгізілу ұсынылады.

Екінші оқылымда депутаттар еңбек даулары мен жанжалдарын шешу тәртібін оңайлату бойынша өзгерістер енгізу туралы заң жобасын қарайды.

Сонымен қатар Мәжіліс тұрғын үй-коммуналдық ша­руа­­­шылығы мәселесі бойын­ша Парламент депутат­тары­­ның бастамасымен енгі­­зіл­ген түзетулерді де қа­рай­ды. Заң жобасымен жұмыс бары­сында депутаттар басқару органдарының басқару нысанын өзгерту кезінде жи­нақ­талған ақшаны аудару міндетін бел­гілеуге, паркинг­тің немесе тұрақ орнының конструк­тивтік бөлігі мен функционалдық мақсатын өзгертуге тыйым салуға және басқа да маңызды нор­маларға бағытталған то­лық­тырулар мен өзгерістер ен­гіз­ді.

Сонымен қатар Мәжіліске бір­қатар ратификациялық заң жоба­сын қарау ұсынылды. Олар: Еура­зиялық эконо­ми­калық одақ шең­берінде меди­циналық бұйым­дар айна­­лы­сының бірың­ғай қағи­дат­тары мен қағида­ла­ры туралы келі­сім­ге өз­геріс ен­гізу туралы хат­таманы ра­­ти­фи­ка­циялау туралы заң жобалары.

Алдағы жалпы отырыста па­лата комитеті Қырғыз Рес­пуб­ли­ка­сы­мен шекаралық өкіл­дердің қыз­мет учаскелері туралы хаттама­ны ратификациялау туралы заң жобасын жұмысқа алуды көздеп отыр.