Энергетика министрі Болат Ақшолақов көмір қоры жеткіліксіз өңірлерді атады, деп хабарлайды Egemen.kz.
Үкімет отырысында Әлихан Смайылов Энергетика министрі Болат Ақшолақовтан кейбір өңірлердегі көмір қоры неге нормативтен төмен екенін сұрады.
Өз кезегінде министр қуат көздерінің қорында 3 миллион тоннаға жуық көмір қоры бар екенін айтты.
«Бұл негізінен бекітілген стандарттарға сәйкес келеді. Алайда кейбір станцияларда бұл норма сақталмайды. Бұл Қарағанды ЖЭО, Теміртау ГРЭС, Павлодар ЖЭО және Петропавл ЖЭО», деді ол.Оның айтуынша, энергетикалық қадағалау комитеті күніне екі рет осы электр станциялары мен ҚТЖ өкілдерінің қатысуымен селекторлық кеңес өткізеді.
«Өткен кезеңде Петропавл ЖЭО-дағы көмір қоры толықтырылды. Қазір олар ҚТЖ-мен қосымша жұмыс істеп жатыр. Алдағы үш күнде толтырамыз», деді Болат Ақшолақов