Синоптиктер 22 желтоқсанға арналған ауа райы болжамын ұсынды, деп хабарлайды Egemen.kz.
«Атлантикалық циклонның терең ойпаты мен атмосфералық фронтальды бөліктердің өтуімен Қазақстан Республикасының басым бөлігінде аздаған қарлы боранмен қар жауады. Түнде шығыстың таулы аймақтарында қалың қар жауады. Тек республиканың батысында, оңтүстік-батысында солтүстік-батыс антициклонының әсерінен ашық ауа райы сақталады. Республиканың барлық аумағында тұман күтіледі, оңтүстікте, оңтүстік-шығыста көктайғақ, шығыс жартысында желдің күшеюі күтіледі», делінген Қазгидромет хабарламасында.
Астанада көшпелі бұлт шығады, кей уақытта аздап қар жауады. Батыстан, оңтүстік-батыстан секундына 7-12 метр жел соғады. Ауа температурасы түнде -19-21, күндіз -17-19.
Алматыда көшпелі бұлт шығады, кей жерлерде қар жауады, тұман түседі, көктайғақ болады. Солтүстік-батыстан секундына 2-7 метр жел соғады. Ауа температурасы түнде -6-8, күндіз -2-4.
Шымкентте көшпелі бұлт шығады, түннің бірінші жартысында қар жауады. Батыстан соғатын жел секундына 8-13 метр. Ауа температурасы түнде -7-9, күндіз -1+1.