Футболшылардың статистикасын жүргізетін WhoScored интернет басылымы Қатарда өткен әлем чемпионатының шартты құрамын жариялады.
WhoScored нұсқасы бойынша әлем біріншілігінің символикалық құрамына мына футболшылар енді: Қақпашы – Войцех Щенсны (Польша, 7,9 ұпай), қорғаушылар – Тео Эрнандес (Франция, 7,2), Родри (Испания, 7,4), Харри Магуайр (Англия, 7,4), Ашраф Хакими (Марокко, 7,0), жартылай қорғаушылар – Килиан Мбаппе (Франция, 8,0), Каземиро (Бразилия, 7,5), Джуд Беллингем (Англия, 7,6), Бруну Фернандеш (Португалия, 8,2) және шабуылшылар Антуан Гризманн (Франция, 7,5), Лионель Месси (Аргентина, 8,2).
Интернет басылымы таңдаулылар тізіміне енген 11 футболшыны әлем чемпионатындағы көрсеткіштеріне қарап таңдап алған.