Динара Сәдуақасова әйелдер арасында жылдам шахматтан (рапид) 2022 жылғы вице-чемпионы атағын иеленді, деп хабарлайды Egemen.kz.
Турнир үш күн бойы – 26-28 желтоқсан аралығында Алматы қаласында өтті.
Оған Қытай, Үндістан, Ресей және басқа да елдердің атынан шыққан әлемнің үздік спортшылары қатысты.
Рапид – ойлаудың уақыты шектеулі ойын түрі. Алматыдағы турнирлік қашықтық 11 турдан тұрды. Берілген уақыт - бүкіл ойын үшін әрбір қатысушыға 15 минут + 10 секунд.
Турнир барысында қазақстандық шахматшы әлемнің ең мықты шахматшыларының бірі ресейлік Александра Горячкинаны жеңді.
Турнирлік қашықтықты бағындырған Қазақстан спортшысы қытайлық Тань Чжунъимен бірдей ұпай жинады - 11 мүмкін ұпайдың 8,5-і. Осылайша, қыздар чемпионаттың 1-ші және 2-ші орындарын өзара бөлуге мәжбүр болды.
Мұндай жағдайларда әрқашан тай-брейк ойналады. Бірінші ойында екі спортшы тең түссе, екінші ойында Динара жеңіліс тапты. Айта кетейік, тай-брейкке дейін Тань Чжунъи допинг-тест тапсырудан бас тартқан еді. Ойындарды ертерек аяқтаған Динара процедурадан өтті.
Қазақстандық ең беделді халықаралық гроссмейстерлердің бірі - украиналық Александр Арещенкомен серіктестікте жұмыс істейді. Ол Динараның дайындығын оң бағалады.
Айта кетсек, Динара Сәдуақасова 29 және 30 желтоқсанда Алматыда өтетін блицтен әлем чемпионатына, сондай-ақ жарыстың ресми жабылуына қатыса алмайды.
Бұл ретте спортшы әріптестеріне алдағы ойындарда сәттілік тілеп, ұйымдастырушыларға алғысын білдірді.