Сарысу ауданының орталығы Жаңатас қаласында қардан тазарту жұмыстары жүргізіліп жатыр, деп хабарлайды Egemen.kz Жамбыл облысы әкімінің баспасөз қызметіне сілтеме жасап.
Түнде басталған тазалау жұмыстарына 13 техника, 20 адам күші жұмылдырылған. Қазірге дейін қаладағы негізгі 27 көшедегі (барлығы 48 көше) қар тазартылды.
Қардың биіктігі шамамен 21 см-ге жеткен. Ауданда жел секундына 12 метр жылдамдықпен соғып жатыр.
Сонымен қатар аудан орталығы мен елді мекендерді жалғайтын Ақтоғай, Жаңарық, Саудакент елді мекендеріне жол ашылып, көлік қатынай бастады. 4 жедел жәрдем көлігі кезекшілік етіп жатыр.