Әлеуметтік желіде Алматы-Маңғыстау бағытындағы жолаушылар пойызында поезд бастығы мен 37-жастағы жолаушы арасындағы болған жанжалдың видеосы тарады, деп хабарлайды Egemen.kz.
Ішкі істер министрлігі аталған оқиғаға қатысты пікір білдірді.
«2022 жылғы 30 желтоқсанда Тараз станциясындағы желілік полиция бөлімінің қызметкерлерімен Алматы-Маңғыстау бағытындағы жолаушылар пойызында поезд бастығы мен 37-жастағы жолаушы арасында орын алған құқықбұзылушылыққа қатысты ҚР Қылмыстық кодексінің 389-бабының 1-бөлігі (Өзінше билік ету) бойынша сотқа дейінгі тергеп-тексеру басталған еді. Қазіргі уақытта қылмыстық іс аумақ бойынша Шымкент станциясындағы желілік полиция бөлімімен тергеп-тексерілуде.
Бұған қоса, алғашқы тексеруде поездың 37 жастағы жолаушысы ҚР Әкімшілік құқықбұзушылық туралы кодексінің 204-бабы (Қоғамдық орында сауда сату) және 434-бабы (Ұсақ бұзақылық) бойынша әкімшілік жауапкершілікке тартылды. Сондай-ақ пойыз бастығы аз. Р-ға қатысты ҚР ӘҚБК-нің 434 бабы (Ұсақ бұзақылық) бойынша әкімшілік хаттама толтырылды», деп жазылған Polisia.kz таратқан ақпаратта.2023 жылғы 17 қаңтарда жоғарыда аталған әкімшілік істер Тараз қаласының Арнайы мамандырылған әкімшілік сотына жолданады.