Бүгін қала әкімі Марат Жүндібаевтың өкімімен Мәжит Шүленов Қостанай қаласы әкімінің орынбасары болып тағайындалды, деп хабарлайды Egemen.kz .
«Қостанай таңы» басылымының жазуынша М.Шүленов бұған дейін, 2022 жылдың тамызынан бері әкімнің кеңесшісі болып қызмет атқарып келген. Енді ол білім, әлеуметтік қорғау, жұмыспен қамту, денсаулық сақтау, жастар саясаты мәселелері, мәдениет және спорт салаларына жауапты болады.
Мәжит Мақсұтұлының мемлекеттік қызметте 11 жылдан астам уақыт еңбек өтілі бар. Еңбек жолын 1988 жылы бастаған. 1998 жылдан 2007 жылға дейін мемлекеттік органдарда түрлі лауазымдарда жұмыс істеген. Мәселен, «Агромашхолдинг» АҚ президентінің қоғаммен байланыс жөніндегі кеңесшісі, қоғаммен байланыс департаментінің директоры, «Тобыл» ӘКК» АҚ ұйымдастыру-бақылау департаментінің басшысы, облыстық әкімдіктің ішкі саясат басқармасының басшысы.
Сондай-ақ 2017-2018 жылдары аралығында Қазақстан халқы облыстық Ассамблеясының хатшылығының меңгерушісі болды.