Президент Қасым-Жомарт Тоқаевтың Жарлығымен жетінші сайланған Парламент Мәжілісі таратылып, 19 наурызға кезектен тыс сайлау тағайындалды. Бұл ретте «Байтақ» партиясы алдағы саулауға қатысты мәлімдеме жасады, деп хабарлайды Egemen.kz.
Азаматхан Әміртай өзінің Facebook парақшасында «Байтақ» партиясы алдағы сайлауға қатысатынын мәлімдеді.
«Жаңа Қазақстанға жаңа депутаттармен, жаңа партиялардың саясатқа араласуымен барған жөн. Дұрыс қадам! Алдағы сайлау бұрынғылардан өзгерек. Қазіргі жағдайға байланысты, алдағы сайлау аралас партиялық-мажоритарлық жүйе бойынша өтпек. Сондай-ақ Қазақстан халық ассамблеясы Мәжіліске депутаттар ұсынбайды. Осы орайда, біз де осы аламан бәсекеде өз бағымызды сынап, Парламентке өтуге тырыспақпыз. Рас, елімізде экология мәселесі ақсап жатыр. Жағдай сын көтермейді. Сондықтан түйіні мол экология мәселелерін Парламент мінберінен көтермек ойдамыз», деп жазды партия төрағасы.