Іс-шара 25-26 қаңтар күндері Астана қаласындағы «Қазмедиа орталығы» ғимаратында өтеді, деп хабарлайды Egemen.kz.
«ҚР Ақпарат және қоғамдық даму министрлігінің ұйымдастыруымен өңірлік баспа басылымдарының жұмыс деңгейін арттыру мәселелері бойынша форум өтеді», деп жазылған АҚДМ баспаөз қызметі таратқан хабарламада.
Еске салайық, аталған ведомство бұған дейін «Қазақ газеттері» қайта құрылғанын хабарлады. Алматыға жұмыс сапарымен барған Ақпарат және қоғамдық даму министрі Дархан Қыдырәлі «Қазақ газеттері» ұжымымен кездесті. Айта кетсек, ұжымда бірқатар кадрлық ауыс-түйіс болды.