31 қаңтар күні сағат 10.00-де Үкімет үйінде Үкімет отырысы өтеді, деп хабарлайды Egemen.kz.
Күн тәртібінде кәсіпкерлік қызметті «таза парақтан» реттеуді іске асыру барысы, 2022 жылдың II жартыжылдығында орталық және жергілікті атқарушы органдар басшыларының халықпен кездесу қорытындылары айтылады.
Отырыстың тікелей таратылымын PrimeMinister.kz сайтынан, YouTube ресми арнасынан, Facebook, Twitter әлеуметтік желілерінен көруге болады. Сондай-ақ онлайн-трансляция UKIMET Telegram-каналында жүреді.