Астанада жас жігіт супермаркет тауарын алып, қашып кеткен, деп хабарлайды Egemen.kz.
Ол супермаркетте жүріп, жалпы құны 42 мың теңгеден асатын азық-түлік пен бір қап сәби жөргегін алып, ақшасын төлемей қашып кеткен. Дүкен сатушысы ер адамды қуып жетпек болғанымен, оған жете алмаған.
Күдікті келесі күні ұсталды.
Қазіргі уақытта ол осыған ұқсас үш қылмыс жасады деген күдікке ілінді. Ұрланған заттар үшінші тұлғаларға сатылған.
Қазіргі уақытта аталған факті бойынша сотқа дейінгі тергеу амалдары жүргізіліп жатыр.