Павлодарда пештегі ақаудың салдарынан төрт бала газға уланып, ауруханаға жеткізілді, деп хабарлайды Egemen.kz.
Дәрігерлердің айтуынша, қоңырау 19 ақпан күні сағат 08.54-те түскен. Жеке үйде 15, 11, 5 және 2 жастағы төрт бала көмірқышқыл газынан уланып қалған.
«Олардың барлығы орта деңгейде улану диагнозымен облыстық балалар ауруханасының соматикалық бөліміне жатқызылды», деп хабарлады Павлодар облысының денсаулық сақтау басқармасынан.
Дәрігерлер балалардың жедел жәрдем көлігімен ауруханаға жеткізілгенін, оның қасында көмірқышқыл газынан зардап шеккен 32 жастағы анасы да барын айтты.